संस्थेचे ध्येय व उद्देश

शारीरिक, मानसिक, सामाजिक दृष्टिने व्यवस्थित आणि रोगमुक्त असण्याची अवस्था म्हणजेच आरोग्य होय. “आरोग्य म्हणजे केवळ रोगांचा अभाव नसून ती एक शारीरिक, मानसिक, सामाजिक आणि आध्यात्मिक समतोलाची अवस्था आहे”, अशी आरोग्याची व्याख्या आहे.
याच आरोग्य क्षेत्रामध्ये उत्तम प्रकारे आरोग्यसेवा तळागाळातील जनमानसापर्यंत पोहोचून त्यांचे जीवन आरोग्यदायी व्हावे या दृष्टीने तळागाळात काम करण्यासाठी आम्ही श्रीनिवास आरोग्यवत फाउंडेशन या संस्थेची स्थापना केली. समाजात आजही असे अनेक वंचित घटक आहेत. की महागड्या औषधोपचार अभावी रोगमुक्त जीवन जगू शकत नाहीत. अशा लोकांपर्यंत या योग्य उपचार पोहोचवण्याचे ध्येय उराशी बाळगून आमची संस्था या क्षेत्रात कार्यरत आहे. छत्रपती संभाजी नगर सारख्या मोठ्या शहरांमध्ये ग्रामीण भागातून येणाऱ्या गोरगरीब रुग्ण यांना आरोग्य सुविधा मिळाव्या याकरिता आम्ही सुरुवातीला अटल बिहारी वाजपेयी मल्टीस्पेशालिटी हॉस्पिटल या रुग्णालयाची सेवाभावी तत्त्वावर निर्मिती केली. हा उपक्रम सुरू केल्यानंतर अंथरुणावर खेळलेल्या रुग्ण ग्रामीण भागातील आजार ग्रस्त वृद्ध नागरिक यांच्याकरिता समर्थ केअर सेंटर म्हणून सेवाभावी तत्त्वावर उपक्रम सुरू केला. या दोन्ही उपक्रमांना चांगला प्रतिसाद मिळत आहे.
भविष्यात दानदात्यांचे सहकार्य मिळाल्यास हा उपक्रम अधिकाधिक व्यापक पद्धतीने वाढवण्याचे उद्दिष्ट संस्थेने ठेवले आहे.
त्याचबरोबर समाजातील महिलांमध्ये ॲनिमियाचे प्रमाण मोठ्या प्रमाणात असून या विषयावर संशोधन करून अशा महिलांना उपचार देण्यासाठी प्रकल्प हाती घेण्याचा सुद्धा संस्थेचा मानस आहे.